Confitería La Playa
Confitería centenaria emblemática de Xixón que’l so nome respuende al so orixe delantre de la playa. Anguaño ta allugada na Cai Corrida au lleva más de 80 años.
Les reconocíes “Princesitas de La Playa” son una innegable amuesa d’auténticu productu artesanu ellaboráu siguiendo técniques manuales, con una producción llimitada y que faen parte yá de la cultura llocal de Xixón. El so orixe remóntase a los entamos del sieglu pasáu, y el so métodu d’ellaboración, una a una, manualmente, nun camudó dende entós. La falta d’uniformidá nel tamañu y la forma son el sellu del so valir artesanal.
Dende va dellos años, les casetines de La Playa, réplica de les auténtiques que s’instalen na Playa de San Llorienzu, xunto coles “princesitas” son el binomiu perfectu.
Un negociu familiar, yá na cuarta xeneración, que’l so únicu y principal secretu ye caltener y adaptar fórmules antigües que, xunto a la escelente calidá de la so materia prima, faen de La Playa un referente del duce n’Asturies. Anguaño, queden d’esi heriedu productos cola fórmula y manufactura intactes y, anque muncho más llaboriosos, poseyen unos sabores y testures difíciles d’alcontrar.
Otros productos con gran aceptación ente los veceros son el mantecáu imperial, el chantilly, el pastel rusu, los tocinillos, les trufes de nata, les pastes de nuez y los postres variaos, entre los que destaca’l soufflé de freses creación de la casa, ensin escaecer el roscón de Reis, que tien verdaderos adeptos.
