Galería d’Arte Bea Villamarín
La Galería Bea Villamarín ye una empresa del ámbitu cultural y creativu de Xixón. La nuesa actividá principal consiste na esposición y venta d’obres d’arte de los artistes que representamos, que son artistes plásticos d’arte contemporáneo n’activu. Centrámonos na organización d’esposiciones y venta d’obres d’arte, baxo un criteriu d’espardimientu y afalagu del arte mozu rexonal, nacional y internacional per dos víes:
Per un llau, per aciu del aprovechamientu del nuesu espaciu (d’unos 100 m2, asitiáu na Cai San Antonio nº5 de Xixón) p’averar al públicu les tendencies más interesantes del panorama artísticu actual
Y per otru, per aciu de la participación n’eventos que permitan apurrir al públicu de fuera d’Asturies y d’España la llinia espositiva de la Galería (por exemplu: feries d’arte organizaes tanto dientro como fuera del nuesu país).
Nos más de 8 años de vida de la Galería, fuimos quien a aluganos nel mercáu galerísticu y cultural nacional.
Hasta agora participemos tanto en feries rexonales (Arte Oviedo), como en feries nacionales (trés años en JustMad y cuatro años n’Art Madrid) y en feries internacionales (dos años n’Estrasburgu, un añu en Londres, trés na feria d’Arte Contemporáneo de Los Ángeles n’Estaos Xuníos). En tolos casos los resultaos obteníos fueron positivos y permitiéronnos siguir creciendo y continuando coles actividaes d’espardimientu cultural y del arte que llevamos a cau na nuesa galería en Xixón, y con ello contribuyir al desendolcu económicu de la ciudá fomentando una sociedá emprendedora.
De xuru, de mou paralelu a la nuesa participación en feries d’arte, l’actividá diaria de la Galería continúa, y básase na celebración d’unes 5 esposiciones individuales al añu y unes 2 colectives, presentando la obra d’artistes como Carlos Tárdez y Diego Benéitez (finalistes del Premiu BMW), Xurxo Gómez Chao, Rubén Martín de Lucas, Charles Villeneuve y otros. Tamién tomamos parte n’eventos culturales como la Nueche Blanca de Xixón y celebramos dalgún qu’otru eventu más de calter cultural.
Too esto fai que nestos 8 años la nuesa empresa se convirtiera en referente de l’anovación del conceptu de galería, acercándose más al públicu, faciendo del arte daqué más cercano, afalagando la “comunicación” ente los artistes y los aficionaos al arte y espardiendo les sos propuestes d’una manera más efectiva.
