«Xixón de Compres» ufre rutes y itinerarios tematizaos de compres sostenibles dientro de la fastera marcada d’afluencia turística de Xixón.
Estes rutes permiten combinar les compres col descubrimientu de los recursos turísticos y monumentales de la ciudá d’una forma amigable, au poder alcontrar comercios singulares, “con alma”, que se convierten en paraes imprescindibles pa mercar alimentos d’Asturies, repostería tradicional, y productos con identidá propia.
Estos comercios contribúin cola so actividá a caltener viva la personalidá de Xixón, a amosar la so diferencia y la so idiosincrasia particular.
Nestes rutes podemos alcontrar comercios que nos ufierten toa triba de productos, dende gastronómicos hasta culturales pasando per pequeños negocios d’artesanía llocal y tiendes de diseñu y moda. Destaquen los productos «llambiones» de confiteríes con obrador propiu y xeladeríes artesanes au poder descubrir la parte más duce de la ciudá.
Tolos comercios participantes cuenten col distintivu «Biosphere Committed» qu’avala’l so compromisu d’aplicar bones práctiques sostenibles nos sos establecimientos destacando la so dedicación pa contribuyir a un turismu más responsable y respetuoso cola redolada.
