Zapatillería Llaneza

Zapatillería Llaneza ye un negociu familiar acoyedor qu’abrió les sos puertes va más de 60 años. La nuesa tienda ta especializada en zapatilles de casa y de cai, alpargates y calzáu cómodu pa los pies delicaos.

Ufrimos una bona montonera de productos que proceden d’una tradición mui viva: el calzáu artesanal y industrial español y européu.

Como compromisu col planeta ufrimos zapatilles y calzáu respetuosos col medioambiente, tanto na obtención de les sos materies primes (algodón orgánico, algodón natural, llana ecolóxico) como nos procesos de fabricación, (tintes vexetales, aforru d’agua y enerxía, reutilización de texíos, reciclaxe de plásticos PETT…).

Zapatillería Llaneza nun ye sólo una tienda, sinón tamién un llugar d’alcuentru y comunicación pa los sos veceros. Recibimos con muncha allegría les visitas de delles xeneraciones de toles procedencies que comparten con nós les sos alcordances y esperiencies na zapatillería.

Siguimos güei coles mesmes ganes y ilusión d’aquel abril del 1962. Abrimos cada día con una sorrisa pa ufrir l’atención y dedicación que cada persona necesita y el nuesu empeñu por alcontrar la zapatilla ideal pa cada pie.