Obrador de Pan Sisón

Obrador sisón ye un sitiu onde ellaboramos una gama estremada de panes de masa madre col certificáu ecolóxicu del COPAE Asturies. Trabayamos con munchu respetu pol oficiu y con procuru na creatividá ufiertando una variedá de panes tradicionales a base de trigu, centenu, espelta y sarracenu. Pero tamién atopes combinaciones con frutos secos, fruta, semientes y yerbes. Escueyas lo qu’escueyas, siempre vas poder tar seguru de que ta fecho in situ colos meyores ingredientes y ensin meyorantes nin otros agregaos. Tentamos trabayar tolo que podemos con ingredientes  de cercanía, direutos del productor y comerciu xustu.