Laura Sampedro

En Laura Sampedro, vas alcontrar na so mayoría, pieces de bisutería diseñaes y ellaboraes personalmente nel mio taller, con componentes procedentes lo más d’ello d’empreses familiares españoles y otres de diseñadores y artesanos que me paez que me complementen.

La mio filosofía ta empobinada a la muyer actual que, siempres actives, ensin un minutu llibre, buscamos dir cómodes y afayadices a cualesquier hora, pero ensin arrenunciar a sentinos bien y a proyectar la nuesa actitú y la nuesa personalidá al traviés tamién de la nuesa imaxe. Por eso, busco no posible que les mios creaciones seyan pieces llixeres, fáciles de combinar y cómodes. Los mios materiales son piedres semiprecioses, perles cultivaes, aleaciones de metales en distintos acabaos, cuernu, güesu, vidros, nuevos materiales como les resines, o tan antiguos como’l mundu, como les conches o la madera…